投標入門:點樣入政府標、學校標

呢三類嘅通告本身散落喺幾百個網站。TenderLink 每個工作日收集一次, 按分類同地區整理好 —— 政府標全部免費開放,學校/NGO/法團標嘅完整詳情屬會員內容。

中央政府採購經政府物流服務署(GLD)行, 兩件事新手要知:

• 電子招標箱(ETB) — 公開招標喺度刊登同遞交,登記帳戶後可網上入標;
• 供應商名單登記 — 登記你公司嘅供應類別,部門邀請報價時會搵名單上嘅供應商;
• 工務工程(建造類)另有發展局承建商名冊制度,門檻較高,要逐級申請。

唔同標要求唔同,但呢幾樣幾乎次次都要,平時準備定:

• 商業登記證(BR)副本 — BR 指南;
• 公司註冊證明書(有限公司);
• 相關政府註冊證明(工程類:屋宇署/機電署/消防處註冊 — 可喺名錄核實自己紀錄);
• 公司簡介 + 同類項目往績(相片、完工證明、推薦信);
• 保險證明(勞工保險、第三者責任保險);
• 報價表/標書表格 — 按招標文件格式,唔好自創。

完整版睇投標文件清單。

1. 遲交 — 截標時間過咗一分鐘都唔收,預留交件buffer;
2. 漏文件 — 招標文件話要乜就交乜,自己整張 checklist 逐項剔;
3. 冇跟格式 — 標書表格漏簽名、漏公司印、改動咗格式;
4. 答非所問 — 規格要求逐點回應,唔好淨係塞一份通用公司簡介;
5. 臨截標先開波 — 有簡介會/現場視察嘅標,唔去基本上冇得贏。

• 揀啱池:由學校/NGO 嘅中額標起步,累積可查證往績;
• 做深一個分類,好過乜標都投——評分制之下,專項往績值錢過大包圍;
• 每次落選,禮貌問返攞唔到分嘅位(好多機構願意講),下次修正;
• 設定分類提醒, 早見標早準備——好多標輸喺「見到嗰陣得返三日」。